|
Afua Cooper Africa Wailin Stereo-Prophet trow down at Bathurst and Bloor an di dj bawl out yes, crowd a people mi seh mi love unu Africa wailin as Stereo-Prophet trow dung inna downtown at Tequila an 300 sing as one sing along wid the dj sing along wid the singers wid Sanchez an June Lodge an Coco tea an Gregory, an africa wailin Alas, alas Kongo nari, nari Kongo Africa wailin as Toronto get hot an Black people dance communally heads up backs arched eyes watchin a far away scene hands boxin di air an feet an hips move inna kumina, nyahbinghi 300 dance as one an woman wid dem man rent a tile an di man wid di hangle conneck wid di triangle an di dj leap in di air a Watusi dancer as fire fire from the Spear lick him inna him head an him grab a second mike hole both a dem a him mouth an wid Garnet start fi chant it out Hello Mama Africa How are you I.m feeling fine and I hope you.re fine too Woman in weave, red gole, and green dread wid locks down to dem feet we all hold hands as we embark on a journey as we cross di passage wid Freddie inna big ship big ship sailin on di ocean and Marcia is troddin us to Mt. Zian for a healin an baptizam An we help each other as we begin dis passage weak an tattered cold and afraid Lady Saw is embarkin as Oshun Burning Spear, di griot from Kangaba do you remember the days of slavery do you remember the days of slavery Rita an exiled priestess from Kumasi will start a new world religion an we love each other we gentle wid each other as we continue di journey An Africa still wailin an we still crossin no jobs here in babylon is jus pure batterayshan our men led like sheep into prison an ours sons lost in whiteness Africa still wailin for her children scattered on white shores wanderin in di trangle tryin to find their way home Woman in red, green, and gold weave an dread wid locks down to their feet women in shiny shiny clothes tight like rass an men in basic black wid gole chain allick confess their love to each other as we sing wid the dj an the singers songs etched in our memory songs that live at the tip of our tongue when I see you around the corner you make me feel like a sweepstakes winner and when you hold me tight you make me feel alright an we hold hands an begin a journey tru a narrow passage as Stereo-Prophet trow down inna dungtown an two peace car park pon di street watchin I n I Ready fi caas shackles pon we again an as wi fling rockstone inna Babylon bone Africa is still wailin wailin wailin wailin |
